Núna á miðvikudaginn, 1. september, fagnar Kaninn eins árs afmæli en stöðin fór í loftið mánudaginn 1. september 2009. Fyrstu útsendingarnar voru frá Officera klúbbnum á gamla herstöðvarsvæðinu á Miðnesheiði, sem nú heitir Ásbrú. Mikið vatn hefur runnið til sjávar síðan þá og nú sendir Kaninn út frá nýjum höfuðstöðvum í Skeifunni 7, Reykjavík. Afmælinu verða gerð góð skil í útsendingu Kanans á miðvikudag. Vinir Kanans úr músikgeiranum taka lagið og góðvinir Kanans kíkja við og segja góðar sögur og skemmta sér og öðrum. Velunnurum stöðvarinnar er boðið í léttan hádegisverð í hádeginu á miðvikudaginn. Tekið verður á móti gestum í höfuðstöðvunum milli 11:30 og 13:30 með mat, drykk og veglegri afmælisköku.

Um helgina fór fram Íslandsmótið i strandblaki í Fagralundi í Kópavogi. Þór Bæring Ólafsson, morgunhani stöðvarinnar, mætti á mótið ásamt Valgeiri Bergmann og kepptu þeir fyrir hönd Kanans á mótinu. Því miður náði Kana-liðið ekki í verðlaunasæti að þessu sinni þrátt fyrir góða spilamennsku. Það gengur bara betur næst.

Það var mikið fjör á Sumarhvelli Kanans í dag á Selfossi. Það rigndi „aðeins“ á okkur en við létum það ekki stoppa okkur í því að grilla og hafa gaman með Selfyssingum. Við þökkum öllum sem kíktu á okkur í dag í „góða“ veðrinu.

Á myndinni sést Björgvin Árnason grilla í „smá“ rigningu.

Það var mikið fjör í morgunþættinum hjá mér í morgun. Við hituðum vel upp fyrir hátíðina Sumar á Selfossi en Sumarhvellur Kanans verður einmitt á Selfossi á morgun og það er um að gera að mæta á svæðið og heimsækja okkur og taka þátt í gleðinni.  

Ég gaf líka nokkur eintök af Pottþétt 53 og miða á kvikmyndina The Sorcerer’s Apprentice, sem sýnd er í Sam-bíóunum um þessar mundir. Það er alltaf nóg að gerast á Kananum. Stilltu inn á morgunþátt Kanans alla virka daga milli 6:50 – 10:00.

Kaninn er eina útvarpsstöðin sem fær viðtal við Kidda Casio úr Sólinni frá Sandgerði veitir fyrir Verslunarmannahelgina!

Kiddi Casio í fíling – hvað á ég að spyrja hann um á morgun ? Hann vill bara tala við umboðsmann Ísland – á Kananum á morgun, fimmtudag kl 11:00